wordpress counter

Топ 5 градови со вкусна улична храна

На туристичките мапи, сѐ повеќе свое место наоѓа и уличната храна по светот. Така, во туристичките понуди за Ханој, Сараево и Истанбул, веќе одамна уличната храна се рекламира заедно со културните знаменитости. Оваа статија ја наменуваме токму на 5-те градови кои нудат одлична улична храна.

Истанбул
Списокот на улична храна во најголемиот турски град е навистина импресивен. Ќе започнеме со добро познатиот салеп, потоа „Islak Burger“ (хамбургер, земичка и сос), „Midye Dolma“ (полнети школки, сварени и пропржени со ориз, а се јадат прелиени со лимонов сок), „Macun“ (отомански десерт кој наликува на стопени бонбони), „Kebab“ (лепиња со месо и разни додатоци како јогурт, краставици, сирење, кромид и зачини).

Сараево
Сараевскиот специјалитет бурек беше ставен на списокот на најдобра улична храна според британскиот „Гардијан“. Се приготвува од тенки кори полнети со месо, сирење или спанаќ, а се консумира со јогурт. Да не ги заборавиме и сараевските ќебапи, кои важат за едно од најдобрите јадења приготвено на скара.

Ханој
Најпозната улична храна во овој виетнамски град е „Banh mi“. Станува збор за сендвич кој се состои од бел багет кој се грее на скара, се премачкува со паштета и мајонез и преку тоа се ставаат школки, свеж зеленчук и зачини. На крајот се додава и малку соја сос и чили.

Мексико сити
Во Мексико сити може да се проба „Tamales“, кој се приготвува од варено пченкарно брашно и ситни парчиња месо. Покрај него, можете да уживате и во „Takos“, „Antojitose“, „Elotes“, „Huaraches“ и пченкарните колачиња.

Маракеш
За сите кои сакаат да уживаат во мароканската кујна, ова е вистинско место. Мароканската кујна е вистински микс од француска, шпанска кујна и мароканска традиција. На плоштадите можете да пробате супа „Harira“, сушено овошје, различни меса со зачини, кус-кус, ќебап и риба.

Related Posts with Thumbnails
Коментирај

This blog is kept spam free by WP-SpamFree.

Маринирани лигњи на жар

Приготвувањето на овој прекрасен рецепт трае околу 45 минути. Можете да го сервирате како главно јадење и да уживате во...

Close