wordpress counter

Спанаќ – измислен за комбинирање

Спанаќот е еден од највкусните лисести зеленчуци. Има потекло од Азија, но денес е дел од речиси сите светски кујни и како продукт може да се додаде буквално во секое јадење.

Спанаќот одлично се комбинира со тестeнини (канелони, тортелини), потоа во јадења со јајца, а од него се приготвуваат разни супи, пире специјалитети, сосови и пити. Ако го комбинирате со путер, павлака и сирење – не може да погрешите.

Од нутритивна гледна точка, најдобра е комбинацијата од спанаќ и млечни производи со оглед дека калциумот од млечните производи се врзува со некои киселини од спанаќот кои ги „крадат“ минералите од организмот. Може да се комбинира и сиров, за да не се губат витамините, минералите и фитохемикалиите од него.

Ако приготвувате салата, тогаш идеален избор е младиот спанаќ. Тој има посладок вкус и е помалку жилав. Во таков случај потребно е да се комбинира со сок од лимон, младо козјо или кравјо сирење, ореви и маслиново масло. Од сировиот спанаќ може да се приготвува смуди со банана и јаболко.

Ако го варите, тогаш внимавајте тоа да не биде повеќе од 1-2 минути затоа што станува збор за мошне нежен зеленчук. Секогаш треба да е добро измиен затоа што расте во песокливи предели и потребно е да се отстранат поголемите стебленца. При варење, неговата маса знае да се намали и за 90%.

Што се однесува до чувањето, тој не треба да се складира во фрижидер и најдобро е да се консумира најдоцна до следниот ден, затоа што подоцна започнуваат да се формираат нитрити, кои се штетни за нашиот организам.

Related Posts with Thumbnails
Коментирај

This blog is kept spam free by WP-SpamFree.

Печен сладок компир со смокви

За денес ви претставуваме еден посебен рецепт од слатки компири и смокви. Можете да го сервирате како гарнир кон главното...

Close