wordpress counter

Време е за цвекло!

Цвеклото може да се јаде во секој дел од годината, но, некако токму во текот на есента започнуваме пообилно да го консумираме. Цвеклото е едно од неколкуте варијанти на Beta vulgaris кои се одгледуваат. Станува збор за двегодишно зељесто растение кое најмногу се одгледува во северна и централна Америка, како и во Британија.

Цвеклото може да се консумира варено, печено на скара или динстано со друг зеленчук. Често се користи и во ладни салати кои се приготвуваат од цвекло, но и како кисело цвекло, односно туршија во нашите краишта. И зелениот лисест дел од цвеклото се консумира. Се јаде варен или приготвен на пареа. Има сличен вкус и текстура како спанаќот.

Постојат бројни видови на цвекло кои се одлгедуваат и консумираат, а како најчести ќе ги споменеме: „Bull’s Blood“, „Golden Beet/Burpee’s Golden“, „Chioggia“, „Detroit Dark Red Medium Top“, „Early Wonder“, „Perfected Detroit“, „Red Ace Hybrid“, „Ruby Queen“ и „Touchstone Gold“.

Од медицинска гледна точка, цвеклото е богато со силни антиоксиданси и нутритивни состојки. Одлично е за кардиоваскуларното здравје, поради присуството на бетаин. Покрај тоа, бетаинот делува и на здравјето на црниот дроб, со тоа што не дозволува да се создаваат масни наслаги. Го намалува крвниот притисок и за тоа е доволно да пиете по 500 мл сок од цвекло дневно. Интересно е дека сокот од цвекло помага и при оптоварување на мускулите во процесот на вежбање.

Лична карта
Во 100 гр варено цвекло има 10 гр јаглехидрати, од кои 8 гр се шеќери, а остатокот диететски влакна. Има 0.2 гр масти, околу 2 гр протеини и нема холестерол.

Интересни факти

● маршалот Монтогомери ги испраќал своите трупи на опуштање на т.н. „полиња со цвекло“. Тоа било синоним за сексуални работнички;
● уште од средниот век цвеклото се користи како лек за разни болести поврзани со дигестивниот и крвниот систем;
● Бартоломео Платина, италијански ренесансен писател, препорачувал конусмирање на цвекло за да се отстрани мирисот доколку сте јаделе лук.

Related Posts with Thumbnails
Коментирај

This blog is kept spam free by WP-SpamFree.

Француски пчели создаваат син и зелен мед

Уште од август годинава, француските пчелари од малото градче Рибовил во северо-источниот дел на Алзас, открија дека нивните пчели започнале...

Close