wordpress counter

Antinori, Orvieto Classico Campogrande 2007

Од прекрасните ридови на италијанската покраина Умбрија ни доаѓа ова куве од четири сорти: Procanico (40%), Grechetto (15%), Verdello (15%), Drupeggio и Malvazia (5%). Виното се одликува со бледо-нежна жолта боја, со зеленкаст отсјај и умерена бистрина.

Во првиот контакт со овој пијалак, ќе почувствувате суптилна арома на свежо јаболко и вкусни овошни и цветни ароми. Станува збор за меко и питко вино со 12% алкохол. Родот и бербата од 2007 година ја пратеа одлични временски услови и клима без многу студени денови и без многу дожд за време на зреењето.

Откако бербата е завршена, виното се чува на температура од 10 степени и потоа краток временски период во буриња од челик, каде температурата не смее да надмине 18 степени. Потоа се прочистува и се флашира.

Инаку, Antinori го произведува ова вино од 1922 година, а своето сегашно име Campogrande го добива во 1988 година.

Related Posts with Thumbnails