Сорбе од малини и портокал
(3 гласа, просек: 5,00 од 5)
Ова е уште еден десерт, покрај сладоледот, кој можете да го подготвите за жешките летни денови. Освежителен е и има прекрасен вкус. Се прави брзо и едноставно.
СОСТОЈКИ (за 6 чаши)
• 1 ¼ шолји вода
• ½ шолја шеќер
• 1 шолја сок од портокал
• 2 големи лажици сок од лимон
• 1 ½ шолја малини (може и боровинки)ПОДГОТОВКА
Во мал сад измешајте 1 шолја вода и целиот шеќер. Ставете го садот на шпорет и оставете да зоврие. Откако ќе зоврие, варете уште три минути и потоа садот ставете го настрана за да се излади сирупот.Во блендер ставете ги малините и преостаната вода. Миксирајте околу 30-тина секунди, односно додека не добиете пире. Во широк бокал измешајте ги сокот од портокал, сокот од лимон, сирупот од вода и шеќер и пирето од малини. Налејте ја течноста во сад за лед и оставете ја во замрзнувач околу 6 часа.
Откако ќе се излади, коцките сорбе ставете ги во блендер и кратко измиксирајте ги, за да добиете мазно сорбе. Потоа, изладете ги и чашите во кои ќе го послужите ова овошно сорбе. Се служи веднаш по мешањето во блендер.
