wordpress counter

Кинескa кујна: Пилешко месо со зелка, шитаке печурки и ротквици

1 глас2 гласа3 гласа4 гласа5 гласа (2 гласа, просек: 5,00 од 5)


Овој викенд го посветуваме на кинеската кујна и нивните специјалитетите. За убав неделен ручек во го предлагаме овој рецепт за пилешко месо на скара, подготвено на кинески начин.

СОСТОЈКИ
• виолетов кромид, исечкан на 8 кругови
• 8 големи шитаке печурки, варени
• 8 ротквици
• 4 мали кинески зелки, исечени на половина по должина
• 1 голема жолта бабура, исечкана надолжно на 8 ленти
• 1 ¼ шолја сос од манго и сусам
• 6 пилешки гради без коска

ПОДГОТОВКА
Наредете го зеленчукот на поголема хартија за печење. Премачкајте го со сос од манго и сусам (1/3 од подготвеното) и попрскајте со сол и бибер.

Пилешките гради ставете ги на фолија. Премачкајте ги со 1/3 од сосот и ставете сол и бибер.

Подгответе ја скарата и решетката испрскајте ја со масло во спреј. На умерена температура испечете го зеленчукот (8 минути за кромидот и 4 минути за другиот зеленчук). Вртете го зеленчукот повремено во текот на печењето. Откако ќе завршите, вратете го зеленчукот на хартијата за печење.

Пилешкото месо треба да се пече околу 5-6 минути од секоја страна. Откако ќе се излади (5-10 минути), сервирајте го на чинија заедно со зеленчукот. Гарнирајте со преостанатиот сос.

Сос од манго и сусам

СОСТОЈКИ
• ¾ шолја растително масло
• ¾ шолја манго сос
• 6 големи лажици оцет (по можност оризов)
• 3 чешниња лук
• 7 мали лажици соја сос
• 1 ½ голема лажица масло од сусам
• 1 ½ мала лажица сенф (по можност дижон)
• 1 ½ мала лажица сува толчена црвена пиперка

ПОДГОТОВКА
Сите состојки ставете ги во блендер и добро измешајте ги. Зависно од вкусот, може да додадете сол и бибер. Се служи ладен. Може да се чува до една недела.

Манго сос

СОСТОЈКИ
• 1/2 шолја шеќер
• 1/4 шолја дестилиран бел оцет
• 1 манго, исечкан на коцки
• 1 мал кромид
• 20 гр шолја суво грозје
• малку ѓумбир
• 1 чешне лук
• 1 мала лажица синап

ПОДГОТОВКА
Измешајте ги шеќерот и оцетот, ставете ги во сад и варете сѐ додека не зовријат. Мешајте за да се растопи шеќерот.

Потоа, додадете ги и останатите состојки и варете сѐ додека не добие форма на сируп (приближно 45-60 минути). Повремено промешајте ја смесата.

Related Posts with Thumbnails