(4 гласа, про­сек: 5,00 од 5)

Иако на прв поглед името можеби ќе ве забуни, ова е едно­ставна и вку­сна ладна салата. Токму затоа што е нео­бична, може да биде вистин­ски пре­ди­звик да се под­го­тви и да се вкуси. За комплетно задо­во­лство ќе ви бидат потребни следниве:

СОСТОЈКИ
• 2 модри домати
• 2 црвени пиперки
• 1 вио­ле­тов кро­мид
• лимон
• 6 чешниња лук
• 200 гр мали домати
• 50 гр црни маслинки, без коски
• 1 гранче боси­лек
• 150 мл масли­ново масло
• сол и бибер

ПОДГОТОВКА
Зелен­чу­кот (модрите домати, пипер­ките и кро­ми­дот) исеч­кајте го на мали коц­кички (1.5 — 2 см). Модрите домати ста­вете ги во сад, попр­скајте ги со сок од поло­вина лимон, посо­лете ги, нато­пете ги во вода и оста­вете ги поло­вина час за да го исфрлат гор­чли­виот вкус. Потоа, исце­дете ги, дода­дете во нив пиперка, кро­мид и 100 мл масли­ново масло и убаво изме­шајте ја сме­сата. Зелен­чу­кот ста­вете во тава за печење и во прет­ходно загре­ана рерна на 200°С. Се пече 25 минути (додека не омекне).

Откако ќе биде готово, изва­дете го од шпо­рет и оста­вете да се излади. Подо­бро е да го пре­фрлите во сад за салата и да го ста­вите во фри­жи­дер. Додека се лади, во висок и тесен сад можете да ги ста­вите пре­о­ста­на­тиот сок од лимон, масли­ново масло, исеч­ка­ниот лук, сол и бибер и сето тоа убаво да го измешате.

Врз изла­де­ниот зелен­чук се ста­ваат малите домати исеч­кани на пола, црните маслинки, пре­ли­вот. Потоа сала­тата нежно изме­шајте ја и поси­пете ја со босилек.