Вргањ во шафран и тестенини со сос од ореви
(1 гласа, просек: 5,00 од 5)
Печурките се едно од највкусните јадења во повеќето национални кујни. Со свежите печурки може да се подготвуваат вистински ремек дела. Едно од нив е токму ова, кое Гурман™ ви го сервира за денешното мени.
СОСТОЈКИ
• 350 гр вргањ
• 2 главици кромид, исечкан
• 55 гр ореви, крупно сечкани
• 30 гр путер
• 1 чаша бело вино
• шафран
• 150 мл crème fraiche
• сол и бибер
• тестениниПОДГОТОВКА
Во тава за пржење ставете го путерот и пропржете го кромидот. Додадете ги печурките, шафранот и белото вино. Пржете 2–5 минути, а потоа посолете и додадете бибер.Ставете ги оревите и свежо приготвениот крем. Динстајте уште неколку минути. Тргнете го сосот од оган. Сервирајте со вашите омилени тестенини.
Crème Fraiche (свежо приготвен крем)
Се подготвува лесно и едноставно. Потребни ви се 1 шолја слатка павлака (или ¾ шолја млеко и ¼ шолја топен путер) која ќе треба малку да ја загреете на тивок оган. Потоа, додадете 2 големи лажици јогурт со поголема масленост. Тргнете ја тавата од оган и кремот ставете го во стаклен сад на собна температура окулу 24 часа, за да се згусне. Измешајте го еднаш на 7–8 часа. По 24 часа, ставете го уште малку во фрижидер за да ги добие неопходната густина и цврстина.
Ако немате толку време, тогаш, наместо свеж крем можете да искористите и кисела павлака со поголема масленост.
Коментари