Месо со сочен зеленчук
(4 гласа, просек: 5,00 од 5)
За претстојниот празник ви предлагаме да подготвите навистина посебен ручек. Месо со гарнир од зеленчук — по можност готвен во вок тава. На тој начин ќе може, на висока температура, да го подготвите јадењето мошне бргу.
СОСТОЈКИ
• 300 гр месо по избор
• 4 големи лажици масло
• 150 гр моркови
• 300 гр пиперки
• 200 гр праз
• 4 големи лажици соја сос
• зачин за месоПОДГОТОВКА
Во тавата ставете 2 лажици масло и загрејте го. Откако ќе ги насечкате на ленти, испржете ги посебно морковот, пиперката и празот. Две минути е сосема доволно. Штом ќе го испржите, ставете го зеленчукот на страна.Месото насечкајте го на ленти или на коцки. Додадете го преостанатото масло во тавата и откако ќе биде загреано додадете го месото и пржете сѐ додека не испари течноста.
Потоа, додадете го и зеленчукот, соја сосот и сите состојки залијте ги со околу 400 мл вода. На крајот се додава зачинот. Добро измешајте и пржете уште 5 минути.
По желба, може да додадете и ананас сечкан на коцки.
Совет: Сервирајте со тестенини или варен ориз.
