wordpress counter

Диета според крвната група: група А

ДИЕТА СПОРЕД КРВНАТА ГРУПА: ГРУПА А

Мошне популарна диета е режимот на исхрана кој се прави според крвната група на која ѝ припаѓате. Фактите кои одат во полза на оваа диета се многу јасни: според истражувањето на 6617 индивидуални личности кои се придржувале кон оваа програма, ¾ од нив, односно помеѓу 70% и 78% имаат значајно подобрување на општата здравствена состојба на организмот.

Она што е најзначајно, тие позитивни промени не се само во поглед на намалување на телесната тежина туку и во дигестивниот систем, отпорноста кон стресот, менталната смиреност и вкупната енергија на организмот.

Поради тоа, Гурман™ во наредниот период ќе ве запознае со исхраната на сите крвни групи. Денешната статија е посветена на сите оние кои припаѓаат на А крвната група.

КРВНА ГРУПА А

На личностите од оваа група им одговара вегетаријанската храна. Многу се осетливи и затоа треба да ја јадат храната во нејзиниот природен облик – свежа, чиста и непреработена. Ризик фактори им се болестите на срцето, карциномот и дијабетесот.

ВЛИЈАНИЕ ВРЗ ТЕЖИНАТА

Кога јадат месо, овие луѓе се многу мрзливи и имаат помалку енергија. Тоа е поради фактот што нивните дигестивни ензими делуваат многу бавно и месото го складираат како маст. Тешко ги варат и млечните производи и на тој начин им се забавува метаболизмот. Месото мора да го заменат со риба, а доколку им е омилен дел од јадењето тогаш подобро е да не консумираат црвено месо. Преработките од месо подалеку од вашите чинии.

Морска храна може да консумирате умерено (до 3 пати неделно). Корисно: шаран, бакалар, пастрмка, лосос, скуша или сардела. Избегнувајте кавијар, школки, шкампи, харинга, јагула и лигњи.

Млекото и јајцата треба да се консумираат во минимални количини. Пред сѐ: јогурт, кефир, безмасна кисела павлака. Крвта од А групата создава антитела на примарниот шеќер од млекото. Ако сте член на оваа група и патите од алергија и респираторни проблеми, тогаш млечните производи заборавете ги веднаш. Корисни за вас се сирењата од соја, неутрално делуваат козјо и кравјо сирење, моцарела, фета и јогурт (обичен и овошен). Не јадете ајдамер, сино сирење, ементалер, бри, гауда, крем сирење, сладолед.

Маслиновото и маслото од лен се многу корисни, а треба да ги одбегнувате маслата од пченка, кикиритки и сусам.

ЗЕЛЕНЧУК

Мешунките се мошне важен извор на протеини за вас. Затоа треба да имате залиха од грав, соја, грашок, леќа.

Од плодовите со јатка и семките, земајте ореви, бадеми и семки од тиква, кои се одличен додаток за оваа диета. Неутрално ќе ви делуваат лешник и афион. Избегнувајте индиски орев и ф’стаци .

Лицата кои се со А крвна група може слободно да јадат леб. Додека житарките и тестенините консумирајте ги по неколку пати на ден. Ограничете го само внесот на пченица.

Од зачините можете да користите соја сос, ѓумбир, лук, слад од јачмен. Неутрално ќе ви делуваат анис, босилек, лорбер, цимет, сол, шеќер, темјан, ванила, мајоран, оригано, рузмарин, шафран. Баш и не мора да ставате копар, желатин, црн и црвен пипер, оцет.

ОВОШЈЕ

Денот треба да го започнете со чаша млака вода со исцеден лимон. Од чаевите дозволено ви е да ги пиете оние од ѓумбир, алое, женшен, зелен чај, камилица и шипка. Неутрално делуваат жалфија, липа, јагоди и малини, ајдучка трева или темјан.

За личностите од А крвната група особено делотворно е да пијат црно вино, поради кардиоваскуларниот систем. Кафето е исто така добро, бидејќи го зголемува нивото на желудочната киселина. Понекогаш може да се напиете и бело вино, а треба да заборавите на пиво, кисела вода, жестоки алкохолни пијалаци и црниот чај.

Related Posts with Thumbnails