wordpress counter

Диета според крвната група: Група АБ

Овие личности се популарни и посакувани во друштво и фасцинираат со својата природна харизма. Оваа крвна група настанала со спојување на А и Б крвната група. Личностите од оваа група имаат осетлив систем за варење, но многу толерантен имунолошки систем. Најдобро од сите се справуваат со стресот, со помош на физичка сила и креативна енергија.

Само 5% од светската популација ја имаат оваа крвна група. Познати личности од оваа крвна група се Мерилин Монро, Џон Кенеди и Исус Христос.

ВЛИЈАНИЕ ВРЗ ТЕЖИНАТА

Ваши најголеми непријатели се црвено, солено и чадено месо, портокалите и оцетот.

Кога е во прашање месото, консумирајте јагнешко, зајачко и мисиркино месо. Со џигерот може умерено да се дружите. Избегнувајте сланина, свинско и говедско месо, шунка и пилешко.

Морската храна за вас е многу корисна, особено туна, сардина, бакалар, ослич, пастрмка и ајкула. Добри се и кавијар, шаран, лосос, школки и лигњи. Не би требало да јадете октопод, остриги, инчун, јастог или бранцин.

Од млечните производи особено корисни се козјото сирење, фета, кисела павлака, моцарела, рикота и јогурт. Со неутрално делување се гауда, крем сирењето, едамер, ементалер, соино млеко и сирење и јајца (не повеќе од 3-4 неделно). Не е препорачливо консумирање на сино сирење, путер, сладолед, пармезан.

Маслиновото и маслата од лен и репка да бидат составен дел на вашето готвење. Исфрлете ги од употреба пченкарното, сончогледовото и сусамовото масло.

Семките и јаткастите плодови консумирајте ги само во мали количини. И тоа кикиритки, ореви и костени. Неутрални се бадем, ф’стаци и индиски оревчиња. Избегнувајте лешник, афион, сусам, сончоглед и семки од тиква.

ЗЕЛЕНЧУК

Кога станува збор за цералии, треба да се ограничи внесувањето на пченица особено кога сакате да ослабете. Корисно за вас ќе биде просо, оризови снегулки и брашно од овес. Битно е да избегнувате корнфлекс и пченкарно брашно.

Житарки и тестенини. Членовите на оваа група е подобро да користат ориз отколку тестенини. Освен ориз може да консумираат и брашно од од овес, ‘рж и јачмен, како и тестенини од спанаќ.

ОВОШЈЕ

Зачините се важен дел на секое јадење. Затоа користете кари, лук, жалфија, босилек, лорбер, цимет. Избегнувајте бибер, црвени пиперчиња и јачменов слад.

Од сокови може да пиете од цреша, брусница, морков, грозје, а денот најдобро да го започнувате со сок од свежо цеден лимон.

Од чаевите добри за вас се зелениот чај, од листови на јагода, камилица, ѓумбир, женшен. Избегнувајте ги чаевите од алое, подбел, липа и хмељ.

Црното вино е одлично за вашиот кардио-васкуларен систем. Пијте едно до две кафиња дневно за зголемено лачење на желудочна киселина. Не се препорачува консумирање алкохолни пијалаци и црн чај.

Related Posts with Thumbnails