wordpress counter

Како да се избегне јо-јо ефектот кај диетите? (2 дел)

Јо-јо ефектот е мошне честа појава кај диетите. Станува збор за враќање на килажата определен период по завршување на диетата. Во првиот дел наведовме зошто тоа се случува и некои совети како да се избегне. Сега продолжуваме со советите како да се избегне овој ефект.

Појадок
Редовниот појадок е клуч на успехот во одржување на постигнатата телесна тежина. Најдобро е тој да се состои од интегрални житарки или интегрален леб како извор на сложени јаглехидрати, потоа млеко, млечни производи и јајца како извор на протеини и овошје како извор на витамини, минерали и фитохемикалии.

Вежби
Редовните физички вежби се важен начин за спречување на враќањето на килограмите. Истражувањата покажуваат дека луѓето кои ја намалиле и ја одржале новата, помала тежина, вежбале околу 5 часа неделно или 40-тина минути дневно. Експертите сметаат дека е сосема доволно да се вежба 20-30 минути дневно.

Дополнителни стратегии
Пишување на дневник на исхрана – со запишување на сè она што сте го изеле во текот на денот можете да го пресметате внесот на калории и да го ограничите.

Мерење на тежина еднаш неделно – бројките на вагата може да се покажат како одличен мотиватор во борба против вишокот килограми.

Јакнење на самодовербата – со засилување на самодовербата, ја намалувате можноста за емотивно хранење.

Групна подршка – пронаоѓање на луѓе кои се во слична ситуација. На тој начин, заеднички, полесно ќе минете низ сите проблеми.

Related Posts with Thumbnails
Коментирај

This blog is kept spam free by WP-SpamFree.

Подводен вински подрум

Во текот на 2013 година, во водите на Атлантскиот океан, ќе се отвори вински подрум кој ќе се наоѓа на...

Close