wordpress counter

Медитеранска исхрана и диета

МЕДИТЕРАНСКА ИСХРАНА И ДИЕТАМедитеранот е област која на светот му дала многу вкусни видови храна, но истовремено и многу корисни за нашето здравје. Овој регион може да го поделиме на три посебни кулинарски делови: северна Африка каде преовладуваат зачините, источен Медитеран со несекојдневни ориентални јадења кои ни изгледаат мистично и секако јужниот Медитеран чие готвење се базира на вино и тревки.

Кога помислуваме на медитеранската исхрана не може а да не помислиме на мароканскиот кускус, египетскиот фул-појадок, студената супа од јогурт од Сирија, грчката салата од октоподи, италијанското прошуто или каталонската каша со морски плодови.

Благата клима ѝ подарила на оваа кујна лук, домати, маслиново масло, модар домат, пиперки, печурки, артичок, окра, бамја, зелени салати и најразновидни зелени растенија. Каде и да се завртите во овој регион ќе наидете на мешункасти растенија: леќа, грашок и зелен грав во Франција, фава грав во Египет… И сега доаѓаме до сржта на оваа кујна – нејзиното височество рибата. Во безброј варијанти и комбинации е основа на повеќе од половина од специјалитетите. Но, ниту едно јадење нема да може да раскаже приказна без завршниот момент кој го даваат зачините и тревките: рузмарин, босилок, магдонос, нане, анасон, оригано, копар или кориандер. Списокот е бескраен.

Она што е интересно е дека всушност медитеранска диета не постои како класична диета, туку повеќе е список на модерни нутриционистички препораки. Најопштата верзија на оваа програма на исхрана во средината на 90-тите ја развил докторот Валтер Вилет од Универзитетот Харвард. Иако, за неа се зборувало уште од 1950 година, Вилет успеал да ја популаризира минатата деценија, откако бројни студии покажаа дека жителите на Медитеранот и покрај високата консумација на масти имаат многу малку кардиоваскуларни заболувања.

Основните аспекти на оваа „диета” вклучуваат многу маслиново масло како базичен извор на масти, умерено консумирање на млечни производи (исклучително сирење и јогурт), риба, месо во мали количини, максимум 4 јајца неделно, многу мешунки, овошјето и зеленчукот се подразбираат и секако умерена количина на вино. Вкупното ниво на масти според оваа програма е од 25% до 35%, а заситените масти не поминуваат повеќе од 8%. Или вкупните пропорции на оваа исхрана се: 50% јаглехидрати, 30% масти и 20% протеини.

Погледнете ги табелите со најважните состојки и основните карактеристики и придобивки од овој начин на исхрана:

МЕДИТЕРАНСКА ИСХРАНА ТАБЕЛИ

Овој начин на исхрана бара 5 оброци дневно. Покрај главните три, уште две ужинки во 11:00 и 18:00 часот.

БОНУС СОВЕТ: Додете лесна физичка активност (пешачење, ролерки, велосипед, џогинг) 30 минути дневно и ќе се зачудите колку свежо, здраво и исполнето ќе се чувствувате. Просто ќе летате на сите страни, полни со енергија.

ПИРАМИДА НА МЕДИТЕРАНСКАТА ИСХРАНА

Related Posts with Thumbnails