wordpress counter

Сè за витамините: Витамин Е

Витаминот Е или токоферол е моќен антиоксиданс. Тоа е витамин кој се раствора во мастите и се складира во телото само краток временски период. Затоа, потребно е постојано внесување.

Која е неговата функција?

● како антиоксиданс ги неутрализира потенцијално опасните слободни радикали. Тие предизвикауваат промени во ДНК структурата и може да предизвикаат канцер;
● ги чува клетките во добра состојба;
● го зголeмува искористувањето на Витамин А;
● ги одржува во доба состојба нервните завршетоци, кожата, мускулите, црвените крвни клетки, срцето и циркулацијата.

Колку ви е потребно?
Пре­по­ра­ча­ната дневна доза обично се изра­зува во мили­грами и таа доза изне­сува 15 милиграми и за машката и за женската популација. Бремените жени треба да внесат малку повеќе. Препорака е да се држите до дневно препорачаната количина.

Која храна го содржи?
Во маслата, како што е сончогледовото масло, потоа во сончогледовите семки, јаткасти плодови како лешници, бадеми и пињоли. Го има и во слатките компири и во крушите.

Знаци на недостаток
Најчесто недостатокот на витамин Е може да се види преку рани кои тешко се залечуваат, губење на мускулната маса, како и неплодност.

Нови истражувања
Суплементите кои го содржат овој витамин може да штитат од рак на белите дробови и грлото на матката. Некои студии покажале дека овие додатоци делуваат и на почетниот стадиум на катаракта.

Related Posts with Thumbnails