wordpress counter

Седум продукти на кои треба да им кажете НЕ! (2 дел)

Во првиот дел, наведовме три продукти кои треба да ги заборавиме ако си го сакаме здравјето. Станува збор за домати во конзерва, месо од говеда хранети со пченка и пуканки приготвени во микробранова печка. Овој список не го правиме ние во Гурман™, туку станува збор за список кој го направиле токсиколози, доктори, фармери, нутриционисти, рибари, агрономи…

Неоргански произведен компир
Фармерите кои произведуваат комири велат дека никогаш не би пробале неоргански произведен компир. Тоа е поради фактот што коренестиот зеленучук ги апсорбира пестицидите, хербицидите и фунгицидите кои се наоѓаат во земјата по третирањето со хемикалии.

Риби кои се одгледуваат во базени
Според рибарите, таквата риба има многу помалку витамин Д во себе, а може да содржи и канцерогени состојки. Покрај тоа, постои оправдан сомнеж дека тие риби се третираат со антибиотици.

Млеко од крави третирани со вештачки хормони
Луѓето кои се дел од движењата за здрава храна, никогаш не пијат млеко од крави третирани со вештачки хормони. Имено, некои производители на своите крави им даваат говедски хормони, со цел да ја зголемат количината на млеко. Некои од тие хормони знаат да предизвикаат инфекција на вимето, па дури и гној во млекото.

Јаболка третирани со пестициди
Агрономите не препорачуваат јаболка третирани со пестициди, особено по направени истражувања за поврзаноста на работниците кои третираат плодови со пестициди и бројот на заболени работници од рак. Најмногу заболени има токму помеѓу оние кои третираат јаболка со пестициди.

Related Posts with Thumbnails