Боранија во Болоњезе Сос

230
Главно Јадење

Боранијата е малку калоричен зеленчук, а сепак толку богат со протеини, железо и витамините К, Ц и А. Таа е одлична идеја за ручек, пред сѐздрава, но за жал многу деца, па дури и возрасни одбиваат да ја јадат. Затоа ние, со нашата драга @ttankica топло ви го препорачуваме овој рецепт на боранија во болоњезе сос, кој вашите деца со сигурност ќе го обожаваат.

Боранија во Болоњезе Сос

Порции 2 лица
Подготовка 10 мин
Готвење 50 мин
Вкупно Време 1 саат

Состојки

  • 500гр. боранија (може свежа а може и замрзната)
  • 250 гр. мелено месо
  • 1 главица кромид
  • 1 морков
  • 2 лажици кечап
  • 250гр томатело
  • сол и црн бибер по вкус
  • лук во прав по вкус
  • 1/2 лажичка црвен пипер

Инструкции

  • Во тенџере на оган ја ставаме да се вари боранијата, во водата ставаме малку сол и вариме 20 минути додека убаво не омекне боранијата.
  • Во меѓувреме, ги сецкаме кромидот и морковот и ги пропржуваме, додаваме сол, црн бибер, лук во прав и црвен пипер, пржиме додека кромидот не омекне убаво. Во садот го додаваме и меленото месо, убаво го пропржуваме, па додаваме 2 лажици кечап и промешуваме, потоа го додаваме и томателото и сите состојки ги оставаме да повријат десетина минути.
  • Кога смесата ќе се згусти, ја процедуваме претходно сварената боранија и ја ставаме во истиот сад со месото и оставаме да повријат уште 5 минути.
  • Целата смеса ја истураме во тава за печење, додаваме една чаша врела вода и ја ставаме да се пече на 200 степени 30 минути.
  • Сервираме со малку магдонос и топено сирење, а исто може и со пармезан и топка кисела павлака. Со ова јадење, Танкица ни препорачува чаша бело суво вино од сортата Шердоне.
    Добар апетит!
Калории: 415kcal
Оброк: главно јадење
Keyword: болоњезе сос, боранија

Напишете коментар

Вашата адреса за е-пошта нема да биде објавена. Задолжителните полиња се означени со *

Recipe Rating




Close
Гурман МК © Copyright 2020. Сите права се задржани.
Close