Њоки се италијански тестенини кои во својот состав како основа имаат компир и брашно. Самите имаат неутрален вкус и се одлична подлога за било кој сос или додатоци. Може да ги комбинирате со што ви душа сака. Пармезан, чери домати, печурки. Во самиот состав освен основните брашно и компир, може да додадете и јајце, зачински билки, опциите се бескрајни.
Овој рецепт на @dashofspicee е многу едноставен, посен со само три состојки. Обавезно пробајте ги.
Домашни њоки
Состојки
- 450-500гр компир
- 300-350гр брашно
- Сол
Инструкции
- Сварете ги компирите. Излупете ги додека се врели. Изрендајте ги на ситно. Може и да се испасираат. Јас ги рендав. Додадете сол по желба и додадете го брашното. Мерките не се прецизни. Додадете онолку брашно колку да добиете тесто кое ќе може да се работи без да се лепи на рацете. Завиткајте го тестото во проѕирна фолија и оставете го да одмори 10 минути. Земајте од тестото. Формирајте долгнавести форми и исечете на мали парченца 2 до 3 цм долги. Формирајте ги њоките. Може само да ги притиснете со прст на средина или поминете го секое парче на задната страна од вилушка за да ја добиете карактеристичната форма на њоки. Јас користев мала даска за њоки, cause I am sucker for kitchen gadgets.
- Формата односно линиите на њоките служат да го задржат сосот на нив или со што и да се подготвени. Зовријте вода и во неа спуштете ги њоките да се варат. Кога ќе испливаат на површината, готови се. Извадете ги со лажица цедалка. Може да ги испржите на малку маслиново масло додека поруменат. Додадете сос и додатоци по желба и уживајте.