Сите имаме такви денови кога сѐ што ни е потребно е мало слатко задоволство, па макар тоа било и едно залаче вкусен овошен десерт како овој. Јаворка, инспирирана од Тик Ток ги подготвила овие превкусни fruit bites и ни го испрати рецептот, секако приспособен за нашиот пазар. Погледнете сѐ што ви е потребно за нивна подготовка.
Fruit Bites
Состојки
База:
- 160гр благи крекери (појаки бисквити)
- 55гр растопен путер
Горен дел:
- 250гр крем сирење
- 150гр овошен јогурт (вкус по желба)
- 3 лажички јаворов сируп или мед (по желба)
- 2 лажички чиа семе
- неколку малини (овошје по избор)
Инструкции
- Се раскршуваат крекерите (јас користев од колачињата на краш, домачица) на поситни парчиња и се мешаат со растопениот путер. Смесата се разделува во калапи за мафини, се притиска да се зацврсти и се става во фрижидер додека се прави горната смеса.
- Се мешаат крем сирењето и овошниот јогурт, се додава засладувачот (јаворов сируп или мед) и се додаваат чиа семето и малините. Сето тоа добро се промешува и се става во калапчињата над базата. Стои во замрзнувач час, час и половина.