wordpress counter

Неговото височество – бифтек

Дека добриот глас на кој се наоѓа бифтекот не е туку така создаден, говори и фактот што ова парче месо е најмекото и најквалитетното црвено месо. На пример, од една крава може да се добијат само 10 килограми бифтек или таканаречено говедско филе.

Кога се приготвува бифтек, најважни се две работи: одлежување, односно зреење на месото и времето на печење. Постојат две различни мислења во врска со зреењето на ова месо. Според едното, најдобра маринада е онаа подготвена од масло и сенф.

Другиот начин на зреење е со херметичко затворање на месото во кесичка и потопување во вода која врие. Во вакуумот, месото започнува да ги пушта своите сокови и станува многу меко. Се чува 10 дена во фрижидер, на 4-6 степени. Дури потоа е подготвено за печење.

Пред печење, месото треба добро да се исцеди. Мора многу да се внимава и на самото печење. Може да биде многу крваво, средно крваво или добро печено. Колку повеќе се пече, толку повеќе губи на сочност и мекост.

Една негова варијанта е и добро познатиот сиров бифтек или карпачо. Еден начин на негово приготвување е месото да се исече на многу тенки парчиња, се реди на чинија и се зачинува со сол, бибер, маринада од маслиново масло, лимон и копар. Одозгора може да се нароси со ливчиња босилек или тартуф.

Друга позната варијанта е татар бифтекот. Во овој случај, месото се сечка на ситни коцки и потоа се прелива со микс од жолчка од јајце и сенф, сол и бибер. По желба се додаваат магдонос, маслиново масло, табаско, сок од лимон или коњак. Сѐ добро се меша и потоа се сервира со црн леб или тост.

Related Posts with Thumbnails