За денес одбравме уште еден прекрасен рецепт подготвен од нашата драга cookwithkiki. Овие сочни и превкусни ќофтиња, печени во рерна се навистина лесно решение за оброк, особено кога немате идеја што да згответе за ручек. Погледнете кои состојки ви се потребни и уживајте.
Ќофте во Рерна
Состојки
- 300 гр мелено месо
- 1 парче пилешки гради
- 1 главица кромид
- 2 моркови
- 3 чешниња лук
- 4 кришки леб
- 100 мл. млеко
- магданос
- 50 гр рендан пармезан
- 100 гр моцарела
- 1 лажица вегета
- масло, сол и бибер
Инструкции
- Лебот се кине на парчиња, се става во подлабок сад и се прелива со млекото. Морковите, чешнињата лук, главицата кромид, магдоносот и пилешките гради се сечкаат на парчиња и се микса во блендер. Измиксаната смеса се става во сад. Во садот се додава лебот од кој претходно сме го истиснале млекото, се става сол, бибер, вегета, се додава пармезанот и меленото месо и со рака се меси смесата.Моцарелата се сечка на парчиња. Од смесата земаме дел по дел и на средината ставаме од моцарелата и формираме ќофтиња, прекривајќи ја моцарелата. Сите ќофтиња ги подготвуваме на истиот начин и ги редиме во тава за печење и ги попрскуваме со масло. Се пече на 180 степени 30-40 мин. Прилог кремасто пире од компир со путер.