Крофни како јаболчиња, меки како душички со фил од јаболка и цимет печени во рерна. Ако сте веќе љубители на крофни, направете ги овие крофни по рецептот на margarita.rados, малку поинакви и на вкус и на око. Погледнете што се ви е потребно за нивна подготовка.
Крофни со Јаболко
Состојки
- 500гр брашно
- 1 коцка квасец
- 250мл млеко
- 1 лажица шеќер
- малку сол
- 60мл растопен путер
- 1 јајце
За фил:
- 3 рендани свежи јаболки
- Цимет
Инструкции
- Се замесува тесто со претходно стасаниот квасец во 100мл. млеко со шеќер и остава да кисне 1 час. Се сука тестото и со чаша се сечат кругови, се става филот и краевите се соединуваат во форма на топче. Се ставаат во наместени калапи за мафини, и повторно ги оставаме уште неколку минути да стасат. Се мачкаат со масло и се става дршка од грисина во средина. Се печат на 180 степени 30 мин. Наросете ги со шеќер во прав и уживајте!