Кога станува збор за сува риба како што е лососот, добро е да се знае дека било каков кремаст сос оди совршено со него. Овој пат daria.recipes се одлучила за превкусниот лосос на тоскански начин и сос со спанаќ. Вистински прекраснотии.
Лосос на Тоскански Начин
Состојки
- 600гр котлети од лосос
- 5 големи чешниња лук
- 20 шери домати
- 600гр спанаќ
- 200мл павлака за готвење
- маслиново масло
- путер
- сол, црн бибер
- буковец
- лимон
Инструкции
- Загрејте маслиново маслои малку путер на средна температура. Котлетите лосос зачинете ги со сол и црн бибер и ставете ги да се пржат, по 5-6 мин од секоја страна. За време напржењето, поливајте ги со сосот од тавата, за да не се олади горната страна. Пред крај, додадете сок од 1/4 лимон и малку буковец. Испржените котлети тргнете ги на страна.
- Во истото тавче повторно ставете малку путер. Чешнињата ситно исецкајте ги и ставете ги да се пржат. Откако лукот ќе се испржи, додадете ги шери доматите исечени на половинки. Динстајте ги околу 5-6 минути, додека испуштат сок. Додадете го спанаќот исечен на ленти. Динстајте уште неколку минути дури не се зготви спанаќот. На крај додадете ја павлаката за готвење. Зачинете добро со сол и пикантен црн бибер и вратете ги котлетите во тавчето. Послужете топло.