Интересна и невообичаена комбинација која никого нема да остави рамнодушен. Верувајте дека е еднакво убаво на вкус како на слика, дури и повкусно.
Погледнете го рецептот што нашата нова пријателка Теона ни го испрати. Посетете го и нејзиниот инстаграм профил kitchenmomentum, од кој дефинитивно ќе добиете инспирација за готвење на нови и креативни јадења.
Пилешка Салата со Бејби Спанаќ и Калинка
Состојки
- 1 пилешки стек (200 gr)
- 2 шаки бејби спанаќ
- половина калинка
- 1 лажица тостирани семки од тиква
- 1 лажица сушена брусница
- 2 лажици урда
- маслиново масло
- балсамико крем
- сол и бибер
Инструкции
- На среден оган, загрејте грил тава со малку маслиново масло.
- Зачинете го стекот со сол и бибер и ставете го на тавата. Печете од двете страни по 5 минути, но зависи до дебелината на стекот.
- Стекот откако ќе се олади 2-3 минути исечете го на парчиња.
- Во голем сад измешајте ги сите состојки за салатата заедно со стекот и оставете малку калинка, брусница и урда за декорација одозгора. На крај, наросете ги семките.
- Зачинете по вкус и пропрскајте со маслиново и балсамико крем.
Ако веќе го направивте овој рецепт, слободно споделете го вашето искуство со нас! Оставете ни коментар подолу и означете го Гурман МК на Инстаграм со хаштаг #gurmanmk.