Ако се прашувате кој би бил идеалниот појадок кој ќе ви даде енергија и ќе ве држи сити сѐ до наредниот оброк, тогаш оваа здрава смуди чинија е тоа што ви треба. Се подготвува за помалку од 5 минути и ви се потребни само неколку состојки.
Смуди со банана малини и аронија
Состојки
- 2 банани
- 150 мл јогурт (вода, домашен кефир или млеко)
- 1/2 филџан малини (или било какво замрзнато овошје)
- 10 зрна аронија
- 4 супени лажици овесни снегулки
- 1 мала лажица чиа семе
- 1 мала лажица мелено ленено семе
Инструкции
- Ставете во блендер 1 ½ банана (другата половина ќе ја искористиме за одозгора), малините и аронијата (пожелно е неколку да оставете за декорирање), овесните снегулки, чиа и лененото семе и на крај јогуртот. Блендирајте 2 до 3 минути додека сите состојки не се соединат и смесата не стане кремаста. Потоа истурете во длабока чинија и декорирајте со кругови банана, малку замрзнато овошје и чиа семе. Можете слободно да експериментирате со состојките. Може да додадете путер од кикирики, мед, урми, бадеми, лешници и што ли уште не. Бидете креативни и уживајте во понеделникот!