Од светски познатата баклава до превкусниот кадаиф приготвен на најразлични начини, турските десерти важат за едни од највкусните во светот. Ако го обожавате вкусот на традиционално подготвен десерт, тогаш овој турски колач со таан е вистинскиот избор за претстојните празници.
Турски Kолач со Tаан
Состојки
- 3 јајца
- 500гр интегрално брашно
- 1 мала лажичка прашок за печење
- 375гр кафеав шеќер
- 125мл вода
- 125мл млеко
- 125мл маслиново масло
- 1 мала лажичка екстракт од ванила
- 1 мала лажичка цимет
- 4-5 капки лимон
- 375гр сецкани ореви
- 1 мала тегла таан
- сусам, чиа, ленено семе, чоколадни топчиња (доколку сакате)
Инструкции
- Најпрво во длабок сад помешајте ги јајцата со шеќерот. Потоа додајте ги млекото, маслиновото масло, водата, екстрактот од ванила, циметот и на крај додајте 4-5 капки лимон. Мешајте додека смесата не се соедини.
- Потоа додајте го брашното и прашокот за печење и повторно мешајте за да добиете смеса со погуста конзистенција. Во овој дел може да додадете чиа, чоколадни топчиња или ленено семе.
- Калапот се премачкува со путер и се налепува со сусам. Ставете ја смесата во калапот и печете 30 минути на температура од 180°C. Откако ќе се испече, оставете го колачот околу 20 минути да се олади. Потоа извадете го, насечете по линиите на калапот и полијте го со таан. Добар апетит.
Пресреќни сме што сѐ повеќе млади и креативни готвачи како @yummyin.mytumyy ги споделуваат своите рецепти со нас, правејќи ги подостапни до јавноста. Направете го овој превкусен колач и не заборавајте да кликнете Follow на нашиот инстаграм профил @gurmanmk
Odlicni sliki.