wordpress counter

Диета за здебелување (1 дел)

ДИЕТА ЗА ЗДЕБЕЛУВАЊЕ

Веројатно ќе се зачудите од насловот, но сепак, постојат луѓе на кои им е потребна оваа диета. Особено поради фактот што зголемувањето на телесната тежина е многу потежок и подолготраен процес отколку слабеењето. Затоа, во овој прв дел на статијата ќе ги разгледаме причините за оваа состојба и чекорите кои треба да ги преземете. Во вториот дел ќе ви прикажеме табели на продукти кои треба да ги внесувате и предлог дневни менија.

Основата на оваа програма е храна богата со калории. Најбитно е да ја исфрлите од глава идејата дека не сакате мускули, туку само да ставите малку на тежина и тоа да го направите со повеќе јадење или брза храна. Не можете да контролирате каде ќе се залепат мастите на вашето тело. А најчесто, на сцена стапува Марфиевиот закон според кој храната ќе се залепи онаму каде што најмалку посакувате.

Најнапред да ги разгледаме причините за оваа состојба.

Лош начин на исхрана
Многу слабите луѓе не јадат правилно и доволно. Со тоа мислиме на храна која ја зголемува телесната тежина. Протеините се особено значајни во оваа програма и од нив започнуваат сите проблеми.

Неправилни програми за вежбање
Јадењето само по себе не е доволно. Потребна е физичка активност со која внесот на храна ќе се претвори во здрава маса.

Недоволна мотивираност
Желбата да се зголеми тежината е поважна од сите други активности. Во ова „инстант“ време кога сите сакаме брзи резултати, не се вклопуваат зголемувањето или намалувањето на тежината. Тоа се процеси кои не можат да се случат преку ноќ.

КРИТИЧНИ ТОЧКИ НА КОИ ТРЕБА ДА ОБРНЕТЕ ВНИМАНИЕ
Калории
Најнапред пресметајте го бројот на калории кои треба да ги внесете. Тоа можете да го направите со следната формула:

КОТ (калории за одржување на тежината) = 9.99Т + 6.25В – 4.92Г + 166П – 161
• Т – тежина во килограми
• В – висина во сантиметри
• Г – број на години
• П – пол (1 за мажи, 0 за жени)

Добиениот број помножете го со 1,15 и ќе го добиете бројот на калории кои ви се потребни секој ден за да ја одржите својата моментална тежина. Мажите ќе треба да внесат барем 1000, а жените најмалку 500 повеќе ако сакаат да не бидат коска и кожа.

Протеини
Според нутриционистите, просечно развиен возрасен човек треба дневно да внесува 0.8 гр протеини на 1 кг тежина. Што значи, девојка со тежина од 50 килограми треба да внесува 40 гр протеини. Доколку сакате да ја зголемите тежината, внесувајте најмалку 1 гр на 1 кг тежина дневно.

Број на оброци
Потрудете се храната да ја поделите на 6 балансирани оброци т.е три главни и три ужинки. Распоредете ги така да има пауза од по 2-3 часа помеѓу нив.

Вежби
Ова не само што нема да ги претвори дополнителните калории во масти околу вашиот стомак и нозе, туку и ќе го стимулира вашиот апетит. Нешто што толку многу ви е потребно.

Related Posts with Thumbnails