wordpress counter

Пријателски масти и масни киселини (1 дел)

Незаситените масти може да го намалат нивото на „лошиот“ или LDL холестеролот, доколку ги консумираме нив наместо нездравите заситени или транс-масти. Незаситените масти ќе ги најдете во авокадото, путерот од кикиритки, лешници, ореви и бадеми.

Растителните масла, како што се маслиновото, маслото од репка или кикиритки, се богати со неаситени масти. Една рака јаткасти плодови, или 2 големи лажици маслиново масло, е сѐ што ви е потребно за да го одржите срцето во добра кондиција.

Од друга страна, најдобро место за да пронајдете омега-3 масни киселини се рибите. Харинга, сардина, лосос и скуша имаат висока концентрација на омега-3 киселините. Сепак, треба да имате предвид дека рибата треба да е печена или подготвена на скара, наместо пржена.

Ако веќе го составуваме овој список, не смееме да ги заборавиме ниту житарките. Овесни снегулки во раните утрински часови е вистински начин како да се започне напорниот ден. Оваа храна содржи растворливи влакна кои спречуваат холестеролот да се апсорбира во крвниот систем.

Иако, на многумина од нас, гравот и леќата не ни се во топ омилените јадења, ќе треба да размислиме за нивно вклучување. Една студија покажува дека јадењето една шолја грав дневно, во период од 12 недели, ќе го намали нивото на холестерол за 8%.

Related Posts with Thumbnails