wordpress counter

3 пилатес вежби за стомачни мускули

Во зимскиот период, сите сме помалку физички активни од другите периоди во годината, мрзеливи сме и тешко собираме сила да отидеме некаде на вежбање. Постојано наоѓаме изговори, како на пример немање време, замор или студеното време.

Токму во зимскиот период вежбањето е особено потребно, поради покалоричната храна што ја внесуваме. Со оглед дека повеќето луѓе се дебелеат во пределот на стомакот, потребни се стомачни вежби. Овие три пилатес вежби не се тешки и можете да ги правите дома во секое време. Тие ќе ги затегнат и тонизираат вашите стомачни мускули.

1. Подигнати двете нозе
• Легнете на грб и испружете ги нозете нагоре кон таванот, со испакнат рис и споени петици.
• Ставете ги рацете зад главата, со широко отворени лакти и вдишете.
• Кренете го торзото кон нозете и издишете.
• Внимавајте на дишењето. На секое истегнување вдишувајте и на секое напрегање издишувајте
• Повторете ја вежбата 6-8 пати. Доколку почнете редовно да ја правите, на секои 2 недели зголемувајте за 6 или 8 пати, во зависност од тоа колку сте правеле претходно.

2. Мали ножички
• Легнете на грб во природна положба.
• Испружете ги нозете под агол од 45 степени и ставете ги рацете под главата со свиткани лакти.
• Подигнете ја главата од земја и наизменично со левото свиткано колено допирајте го десниот лакт.
• Вдишувајте на секоја промена на ногата и внимателно издишувајте.
• Повторете ја вежбата 16 пати

3. Делфин поза
• Започнете потпрени на рацете и колената (во кучешка поза). Потоа спуштете ги лактите на земја, притоа внимавајте да се паралелни со рамениците.
• Исправете ги нозете споени една до друга, вовлечете го стомакот и префрлете ја тежината на стомачните мускули.
• Внимавате да не ви е подигнат задникот, држете го телото зацврстено и почуствувајте ја тежината во стомакот.
• Задржете ја таквата положба 20 секунди, со мали паузи повторете ја неколку пати. Дишете длабоко и полека.

Related Posts with Thumbnails